Është hapur plotësisht segmenti i zgjeruar i autostradës Tiranë-Durrës deri te mbikalimi i Rinasit, ndërkohë që së shpejti nis puna për vijimin e mëtejshëm të aksit drejt Durrësit.

Kryeministri Edi Rama, së bashku me ministrin e Energjisë dhe Infrastrukturës, Enea Karakaçin, morën inspektuan këtë segment rrugor të hapur.

“Këtu jemi në autostradën Tiranë-Durrës, që patjetër është rruga automobilistike më e ngarkuar në Shqipëri. Është bashkimi i tre fazave, rreth 7 km të kontraktuara në këtë rrugë. Këtu jemi në kilometrat e para dhe përfundojnë në kilometrin e 6, te dalja për në Rinas.

Janë shtuar dy korsi të tjera. Patjetër bëjmë një rritje në kategorinë A, por që ne kemi folur për korridoret e gjelbërta që mund të ulin edhe pak shpejtësinë”, tha ndër të tjera Karakaçi.