Reperi Cllevio, i njohur së fundmi për bujën e tij në rrjetin social TikTok, ka dhënë një intervistë së fundmi pas lirimit të tij nga burgu. Deklaratat e tij mbi jetën dhe pasurinë kanë mbushur titujt në mediat rozë.

Në një bisedë në podcastin e Grida Dumës Cllevio, theksoi se ka influencë të lartë të publiku duke e krahasuar edhe me numrin e  votuesve që duhet të për të nxjerrë deputetë.

“Me influencën që kam, nxjerr dy deputetë”, tha Cllevio, duke shtuar se është fans i kryeministrit Edi Rama.

Një pjesë e rëndësishme e intervistës ishte periudha e burgut, të cilën ai e përshkroi si një pikë kthese. Nga aty nisi biznesin e syzeve, duke e kthyer kufizimin në mundësi. Për herë të parë, Cllevio foli edhe për pasurinë e tij, duke deklaruar: “Kam pasuri 2 milion dollarë. Dikur vetëm ëndërroja, sot i kam arritur”.-shprehet Cllevio.

Cllevio ka pranuar se liria e tij është kufizuar maksimalisht për shkak të këtyre personave, duke theksuar se është “futur në bunker” dhe lëviz me makinë të blinduar: “Jam futur në bunker. Duan të më vrasin, ndaj lëviz me makinë të blinduar”, ka deklaruar ai.

Gjatë bisedës, Cllevio hodhi dritë mbi një konflikt të hapur, të cilin e quajti një “duel”, ku palët kanë mbetur në një ngërç. Ai shtoi se kundërshtari i tij dëshiron ta falë, por ndikohet nga presioni i të tjerëve: “Jemi të dy në një duel, ngecëm! Ai do të më falë, por ka hallin e turmës…”, tha Cllevio.

Më tej, reperi u shpreh se nuk ka frikë dhe se nuk e ka problem edhe nëse vdes, duke shtuar se muzika e tij do të mbahet mend gjatë: “Nuk e kam problem edhe nëse vdes! Muzika ime do të mbahet mend gjatë”, theksoi ai.