Të gjithë pasagjerët kanë lënë tashmë anijen turistike të prekur nga hantavirusi, ndërsa autoritetet konfirmuan raste të reja pozitive të lidhura me sëmundjen vdekjeprurëse.

Tre pasagjerë kanë vdekur pasi udhëtuan në anije, dy prej të cilëve u konfirmua se kishin pasur virusin.

Shtatë raste të hantavirusit të lidhura me anijen MV Hondius janë konfirmuar, me dy të tjerë të dyshuar, sipas Organizatës Botërore të Shëndetësisë.

Ndërkohë Ministria e shëndetësisë e Spanjës tha se një spanjoll që është në karantinë në Madrid pasi u evakuua nga anija kishte rezultuar gjithashtu pozitiv për hantavirus.

Departamenti i shëndetësisë i SHBA gjithashtu tha se një shtetas i dytë amerikan kishte treguar gjithashtu simptoma të lehta.

Ndërkohë gruaja franceze që u raportua se ishte infektuar është në izolim në Paris në gjendje jo të mirë dhe autoritetet kanë arritur të gjurmojnë 22 kontakte rë saj.

Shtatëmbëdhjetë anëtarë të ekuipazhit filipinas të MV Hondius mbërritën në Holandë të martën në mëngjes, sipas Ambasadës Filipinase, ndërsa katër kishin mbërritur më herët.

Ekuipazhi iu nënshtrua testeve mjekësore dhe do të karantinohet në mjediset lokale.

Në total ka 38 anëtarë të ekuipazhit filipinas që kërkojnë riatdhesim përfundimtar në Filipine.

Hantaviruset zakonisht barten nga brejtësit, por transmetimi tek njerëzit i llojit të Andeve është i mundur, pasi OBSH beson se disa nga pasagjerët e anijes e kanë marrë në Amerikën e Jugut.

Simptomat mund të përfshijnë ethe, lodhje ekstreme, dhimbje muskujsh, dhimbje stomaku, të vjella, diarre dhe gulçim.

Zyrtarët thonë se rreziku i një përhapjeje të madhe është shumë i ulët.

/abcnews.al/