​​​​​​Pas gjithë aludimeve që pushtuan rrjetin ditët e fundit, Loredana Brati ka vendosur të flasë hapur për raportin që përflitet mes saj dhe Gjestit, shkruan IndeksOnline.

Shkak për reagimet e shumta u bënë deklaratat e Xheneta Fetahut në emisionin “Trotuar”, ku ajo la të kuptohej se mes ish-partnerit të saj dhe një shoqeje të afërt mund të kishte lindur diçka më shumë.

Por, Loredana i hodhi poshtë menjëherë këto pretendime gjatë një interviste telefonike në “UËTËFË Live” me moderatorin Kostian Gjerazi.

Ajo u shpreh se raporti me Gjestin ka qenë gjithmonë shoqëror dhe se asnjëherë nuk e ka parë atë në aspekt romantik.

“Gjithmonë e kam konsideruar si vëlla të vogël dhe për mua nuk ka ekzistuar kurrë diçka tjetër. Madje, kemi kohë që as nuk jemi takuar dhe nuk kemi komunikim,” – tha Loredana.

Tutje, ajo shtoi se Gjesti nuk përputhet me tipin e meshkujve që preferon, duke ironizuar zërat që po qarkullojnë në rrjet.

Sa i përket fotografive që ndezën dyshimet e publikut, Loredana sqaroi se prezenca e tyre në të njëjtin vend ka qenë krejtësisht e rastësishme dhe pa ndonjë takim të planifikuar.

Në fund, ajo bëri të qartë se nuk ka pasur asnjëherë ndjenja për artistin, duke tentuar t’i japë fund përfundimisht spekulimeve që kanë qarkulluar së fundmi.