Bilardisti i talentuar nga Kërçova, Blendi Qazimi, ka arritur një sukses të madh në turneun ndërkombëtar të bilardos “Atlantis Open”, i cili u mbajt në Nish të Serbisë gjatë funjavës qe lam pas.
Në konkurrencë të fortë prej 115 garuesve nga vende të ndryshme, Qazimi tregoi paraqitje të shkëlqyer gjatë gjithë turneut, duke arritur që në fund të rrëmbejë vendin e parë dhe trofeun e kampionit.
Turneu u zhvillua në disiplinën “nëntshe” (9-ball), ndërsa garat u karakterizuan nga ndeshje mjaft cilësore dhe rivalitet i madh mes pjesëmarrësve. Fitorja e Blendi Qazimit konsiderohet një sukses i rëndësishëm për karierën e tij si dhe sportin e bilardos në Kërçovë dhe më gjerë.