Në një atmosferë festive,SH.F. “Faik Konica” e fshatit Greshnicë shënoi Ditën e Shkollës me një program të pasur kulturor dhe artistik.
Programi nisi me intonimin e himnit kombëtar, ndërsa më pas nxënësja e shkollës lexoi një referat kushtuar rilindasit të madh shqiptar Faik Konica, emrin e të cilit e mban kjo vatër arsimore.

Në fjalën e saj, drejtoresha e shkollës Florije Qerimi foli për rëndësinë e kësaj dite për këtë shkollë

Më pas, në skenë u paraqitën nxënësit me pika të ndryshme artistike, të cilat u pritën me duartrokitje nga të pranishmit.

Me këtë rast, udhëheqësia e shkollës ndau mirënjohje për arsimtarët që gjatë këtij viti shkollor dolën në pension, si dhe për personat që kanë kontribuar me donacione dhe mbështetje të ndryshme për shkollën.
Në këtë manifestim morën pjesë nxënës, prindër, përfaqësues institucionesh dhe mysafirë të tjerë.