Kryeministri i Shqipërisë, Edi Rama, në një intervistë të dhënë për median estoneze Postimees gjatë konferencës Lennart Mere, tha se Europa nuk është duke kaluar ditët më të mira, por se për Shqipërinë mbetet terheqëse dhe se varën prej saj, transmeton Periskopi.

“Për Shqipërinë BE-ja është jashtëzakonisht tërheqëse dhe ne jemi të varur prej saj dhe ndryshe nga vendet e tjera përreth nesh nuk kemi plane të tjera të mundshme dhe nuk duam plane të tjera të mundshme. Dhe nuk kemi aleatë ose partnerë të tjerë të mëdhenj. Ne kemi vetëm BE-në. Pra, është shumë e qartë pse duam të jemi pjesë e BE-së, por në të njëjtën kohë, mendoj se është shumë e qartë jo vetëm për mua, por për shumë njerëz se Evropa nuk po kalon ditët më të mira tani” tha Rama ndër të tjera për Postimees.

“Europa nuk mund të delegojë ekzistencën dhe pozicionin e saj në botë”, tha tutje Rama.

Rama ka folur edhe për procesin e zgjerimin e BE’së. Ai u pyet nëse endë është realist viti 2030 për antarësimin e Shqipërisë.

“Unë mendoj se po. Për momentin është realiste. Por nuk ishte kështu deri në sulmin ndaj Ukrainës. Dhe kjo mund të ndryshojë. Por tani për tani, po, është realiste”, tha Rama.