“Me shumë krenari dhe përkushtim, arrita të përfaqësoj punën time në një nga eventet më të mëdha të bukurisë”, ka shkruar Çiljeta Kormuzi pasi u shpall fituese e kategorisë së flokëve në kampionatin ndërkombëtar “Global Beauty Champion 2026”.
Parukierja shqiptare bëri të ditur se ky sukses i ka siguruar edhe pjesëmarrjen në konkursimin ndërkombëtar që do të mbahet në Paris.
“Ky vlerësim është rezultat i pasionit, sakrificës dhe dashurisë së madhe për artin e parukerisë”, është shprehur ajo, duke falënderuar klientet dhe të gjithë ata që kanë besuar në punën e saj.
Suksesi i sajë po konsiderohet si një arritje e rëndësishme në fushën e bukurisë dhe një prezantim dinjitoz i aftësive  shqiptare në arenën ndërkombëtare.