Haxhinjtë e Kërçovës, të cilët po qëndrojnë në haxh, sot së bashku me grupin e haxhinjve nga Maqedonia e Veriut kanë vizituar një nga vendet më të rëndësishme, kodrën e Arafatit.
Sekretari i Myftinisë së Kërçovës, Xhemail Ahmeti, i cili ndodhet atje së bashku me haxhinjtë, përmes një video-mesazhi për Tv Uskana bëri të ditur se të gjithë haxhinjtë nga Kërçova janë shëndoshë e mirë dhe se ritualet po zhvillohen sipas planit.
Duke folur për rëndësinë e kësaj dite, Ahmeti theksoi vlerën shpirtërore që ka qëndrimi në Arafat për besimtarët myslimanë, duke e cilësuar atë si një nga momentet më të rëndësishme të haxhit.

Ai po ashtu përcolli urimet e tij për të gjithë besimtarët myslimanë me rastin e festës së Kurban Bajramit, duke uruar paqe, shëndet dhe begati në çdo familje.