Charleas Lecerc do të jetë një pilot i Ferrarit edhe për shumë vjet të tjerë. Vetë skuaderia nga Maranello e zyrtarizoi rinovimin shumëvjeçar me pilotin nga Monaco

‘Skuderia Ferrarti HP bën të ditur rinovimin e kontratës me Charles Leclerc që do të vazhdojë të veshë ngjyrar e skuadrës edhe në sezonet e ardhshme te Botërorit të Formula 1’-theksohet në komunikatën e Ferrarit- Charles Leclerc është bërë pjesë e Akademisë së Pilotëve të Ferrarit në 2016 dhe gjithnjë kokëkuqja italiane ka qenë në qendër të karrierës së tij; që nga fitimi i titullit në Formula 2 në 2017, te debutimi në Formula 1 dhe deri në bashkimin e Skuderisë Ferrari në 2019. Që nga ai moment, Leclerc është shndërruar në figurën kryesore të skuadrës duke u dalluar për shpejtësinë, talentin dhe shpirtin kompetitiv të tij.

Gjatë gjithë këtyre viteve ai iu ka dhuruar tifozëve fitore të paharrueshme, pole position dhe podiume duke u bërë një pjesë gjithnjë e më e rëndësishme në historinë e Ferrarit’

 Në moshën 28 vjeçare, Leclerc është piloti Ferrari i dytë me më shumë gara  në Botërorin e Formula 1 dhe mban vendin e dytë edhe në klasifikimin e pole position pas Michael Schumacher

Vetë piloti nuk e fshehu lumturinë e tij për rinovimin e kontratës me Ferrarin

‘Nuk mund të jem më i lumtur se kaq se do të mund të vijoj këtë rrugëtim me Skuderinë Ferrari-tha Leclerc-për mua ka qenë më shumë se thjesht një skuadër. Është skuadra që kam dashur dhe ku kam ëndërruar të jem pjesë që fëmijë dhe pas të gjithë këtyre  viteve është bërë një familje e dytë. Së bashku kemi ndarë momente të pabesueshme dhe të tjerë të vështirë, por besoj te kjo skuadër më shumë se kurrë dhe i jam thellësisht mirënjohës për faktn se mund të vazhdoj të luftoj krah për krahë me të për një objektiv të përbashkët; rikthimin e titullit botëror në Maranello. Të jesh pilot i Ferrarit është një ëndërr, por edhe një përgjegjësi që nuk e marr asnjëherë të mirëqenë. Do të vazhdoj të jap të gjithe veten time që të rikthej këtë skuadër aty ku e meriton të jetë, më majë, për të gjithë ata që punojnë në Maranello e sidomos për tifozët, pasioni i të cilëvë është zemra që rreh e kësaj skuderie’