Shqiptarja Mira Murati është rikthyer në publik pas rreth 18 muajsh heshtjeje, duke dhënë paralajmërime për mënyrën se si po qeveriset industria e inteligjencës artificiale.

Gjatë paraqitjes së saj të parë të madhe publike, Murati prezantoi edhe drejtimin e ri të kompanisë së saj, Thinking Machines Lab.

Ajo prezantoi një koncept të quajtur “interaction models” (modele ndërveprimi), të cilat synojnë të ndryshojnë mënyrën tradicionale të komunikimit me inteligjencën artificiale.

Ndryshe nga chatbotët klasikë që funksionojnë me pyetje dhe përgjigje, këto modele janë dizajnuar të kuptojnë rrjedhën natyrale të komunikimit njerëzor përmes zërit, tekstit dhe videos në kohë reale.

Sipas Muratit, synimi është që inteligjenca artificiale të reagojë më natyrshëm, pothuajse si një bisedë e zakonshme mes njerëzve.