Disa gërmime arkeologjike të kryera gjatë këtotij sezoni në zonën e Scampis në Elbasan kanë nxjerrë në dritë një mozaik të ri. 

Bëhet fjalë për mozaik të panjohur më parë, që i përket një faze më të hershme të Bazilikës Paleokristiane, që ndodhet jashtë mureve të qytetit antik.

Ndër zbulimet më të rëndësishme spikat një mozaik polikrom me skenën e Eukaristisë, i ruajtur në gjendje shumë të mirë, si edhe një mbishkrim ku përmenden dy dhurues, mes tyre diakonesha Euridyce.

Siç bëhet me dije nga institucionet, po përgatitet një ndërhyrje për restaurimin, konservimin dhe rehabilitimin e zonës, me qëllim mbrojtjen e kësaj pasurie të çmuar dhe kthimin e saj në një destinacion të aksesueshëm për qytetarët dhe vizitorët.