Futbolli kosovar është në zi pas lajmit për vdekjen e Bajram Rragamajt, një emër i njohur i KF Dukagjinit të Gjakovës.

Lajmi është konfirmuar nga klubi gjakovar, i cili përmes një njoftimi publik ka shprehur pikëllimin për humbjen e ish-lojtarit që për vite me radhë ishte pjesë e historisë së tij.

Nga Dukagjini vlerësuan se Rragamaj la gjurmë të rëndësishme në klub falë angazhimit, profesionalizmit dhe dashurisë së treguar për futbollin. Ata theksuan se kujtimi për të do të mbetet i paharruar te të gjithë ata që e njohën dhe bashkëpunuan me të.

Në mesazhin e ngushëllimit, drejtuesit e klubit, stafi teknik, futbollistët dhe tifozët u solidarizuan me familjen e të ndjerit, duke u shprehur mbështetje në këto momente të rënda.