Kryeministri Hristijan Mickoski deklaroi se raundi i parë i bisedimeve në kuadër të koalicionit për rikonstruimin e Qeverisë ka zhvillime konstruktive, ndërsa bëri të ditur se takimet do të vijojnë edhe gjatë kësaj jave. Sipas tij, pritshmëritë janë që procesi të mbyllet deri në fundjavë.

“Atmosfera në bisedimet fillestare është konstruktive. Gjatë kësaj jave do të takohemi sërish dhe pres që ato takime të jenë përmbyllëse, ndërsa gjatë fundjavës e gjithë kjo të formalizohet me emra dhe hollësi të tjera”, u shpreh Mickoski.

Ai bëri të ditur gjithashtu se në kuadër të këtyre diskutimeve është shqyrtuar edhe opsioni për ndryshime të resoreve.