Ministri i Punëve të Jashtme dhe Tregtisë së Jashtme, Timço Mucunski, sot zhvilloi takim me zëvendës‑nënsekretarin për Punë të Brendshme të Shteteve të Bashkuara të Amerikës, John Gountanis.

Në takim u diskutua për zbatimin e prioriteteve dhe objektivave bilaterale të dakorduara në kuadër të Sesionit të Dytë të Dialogut Strategjik mes qeverive të Maqedonisë së Veriut dhe SHBA-së, i cili u mbajt në prill të këtij viti. Bashkëbiseduesit konfirmuan angazhimin e përbashkët për avancimin e mëtejshëm të bashkëpunimit në fushat me interes të ndërsjellë, me qëllim të thellimit të mëtejshëm të partneritetit strategjik mes dy vendeve.

Theksi i veçantë në bisedime u vendos mbi qëndrueshmërinë energjetike dhe infrastrukturore, bashkëpunimin ekonomik dhe tregtar, sigurinë kibernetike, çështjet e migracionit, si dhe aktivitetet e përbashkëta për luftën kundër krimit të organizuar dhe tregtisë së paligjshme me drogë dhe substanca narkotike.

Në këtë drejtim, u theksua nevoja për koordinim të vazhdueshëm dhe intensifikim të aktiviteteve të përbashkëta për realizimin e iniciativave të dakorduara, në përputhje me interesat strategjike të të dyja vendeve. përcjell  Zhurnal.mk .