Gjendja e sinjalizimit horizontal në disa rrugë të Kërçovës vazhdon të jetë shqetësuese, pasi në shumë lokacione vizbardhat në vendkalimet për këmbësorë janë zbehur dhe pothuajse nuk duken. Kjo situatë mund të vështirësojë zhvillimin e komunikacionit, veçanërisht gjatë sezonit veror kur qarkullimi i automjeteve është më i dendur, por njëkohësisht mund të paraqesë rrezik edhe për sigurinë e këmbësorëve.
Për këtë çështje, TV Uskana iu drejtua Komunës së Kërçovës me pyetje nëse është paraparë rinovimi i sinjalizimit horizontal dhe kur pritet të realizohet një aktivitet i tillë. Megjithatë, deri në momentin e publikimit të këtij lajmi, nuk kemi marrë përgjigje nga autoritetet komunale.