Një objekt përcjellës në Kompleksin Memorial “Zahir Pajaziti” në Orllan është dëmtuar, ndërsa Policia e Kosovës ka nisur hetimet për rastin.

Sipas raportit 24-orësh të Policisë më 08.07.2026, pas pranimit të informatës, njësitet policore kanë dalë në vendin e ngjarjes dhe në objektin përcjellës, përkatësisht në kullë, kanë vërejtur disa dëmtime në tavan dhe në korridorin e objektit.

Rasti dyshohet të ketë ndodhur në periudhën nga 30.05.2026 deri më 30.06.2026 dhe është iniciuar si “Asgjësim apo dëmtim i pasurisë së huaj”.

Për rastin është njoftuar prokurori, ndërsa njësitet policore janë duke vazhduar hetimet për të zbardhur rrethanat dhe për të identifikuar personat përgjegjës.