Tensionioni dhe pritja për njërën nga përballjet më të mëdha të vitit kanë arritur kulmin, ndërsa atmosfera para meçit është ndezur në mënyrë spektakolare. Gjatë paraqitjes zyrtare dhe matjes zyrtare në “Jeddah Superdome” në Xhedah të Arabisë Saudite, është regjistruar një nga momenteve më të komentuara të ngjarjes.

Ylli i bokseve botërore, Anthony Joshua, dhe boksieri shqiptar, Nelson Prenga, kanë çuar peshë tifozët e pranishëm duke bërë së bashku simbolin e shqiponjës dy-krenare. Gesti i papritur dhe tejet miqësor mes dy rivalëve u prit me ovacione të shumta në sallë dhe është shpërndarë me shpejtësi në rrjetet sociale, duke u shndërruar në kryetemë të mediave sportive.

Përballja e shumëpritur mes dyshes do të zhvillohet këtë të shtunë, më 25 korrik 2026, në arenën madhështore “Jeddah Superdome”. Ky duel premton spektakël të jashtëzakonshëm në ring, teksa sytë e opinionit mbarëshqiptar dhe atij ndërkombëtar janë drejtuar nga Xhedah për të ndjekur këtë përplasje historike.(INA)