Lideri i BDI-së, Ali Ahmeti, gjatë takimit me mërgimtarët e Kërçovës, u ndal edhe te diskutimet për ndryshimet në Kodin Zgjedhor. Ai theksoi se BDI mbështet modelin me një njësi zgjedhore dhe lista të hapura, duke vlerësuar se ky sistem u jep qytetarëve mundësinë të zgjedhin drejtpërdrejt kandidatët që do t'i përfaqësojnë.
Sipas Ahmetit, partitë e tjera politike favorizojnë listat e mbyllura, për çka, sipas tij, ende nuk ka pajtueshmëri mes subjekteve politike.

Ahmeti u ndal edhe te çështja e pjesëmarrjes së diasporës në zgjedhje, duke theksuar se BDI është për votimin elektronik të mërgimtarëve. Ndërkaq, sipas tij, propozimet e disa partive të tjera për votim me postë nuk janë zgjidhja e duhur, pasi, siç u shpreh Ahmeti, ky model lë hapësirë për manipulime zgjedhore.