Bashkësia Vendore e fshatit Shitovë, në bashkëpunim me Qendrën e Transfuziologjisë në Kërçovë dhe Kryqin e Kuq, organizoi sot një aksion humanitar për dhurimin vullnetar të gjakut.
Aksioni u realizua me pjesëmarrjen e një numri të konsiderueshëm qytetarësh, të cilët iu përgjigjën thirrjes për të dhuruar gjak, duke dëshmuar solidaritet dhe përgjegjësi ndaj atyre që kanë nevojë për ndihmë.
Organizatorët shprehën mirënjohje për të gjithë dhuruesit, si dhe për stafin e Qendrës së Transfuziologjisë dhe Kryqit të Kuq, të cilët kontribuan në realizimin e suksesshëm të këtij aksioni humanitar.
Nga Bashkësia Vendore e Shitovës theksuan se dhurimi i gjakut është një akt i çmuar humanizmi që mund të shpëtojë jetë, duke bërë thirrje që aktivitete të tilla të vazhdojnë edhe në të ardhmen. Në fund, ata rikujtuan mesazhin se "Sot dhuron ti – nesër mund të kesh nevojë të dhurojnë për ty", duke nxitur qytetarët të vazhdojnë të mbështesin aksionet e dhurimit vullnetar të gjakut.