Amanda Bynes u fotografua duke pirë cigare në makinën e saj, në Kaliforni, pak ditë pasi reagoi për vdekjen e Hayden Panettiere.

Aktorja 40-vjeçare ishte ndalur në dyqan për të parë nga afër një bashkëpunim të ardhshëm me markën Dolls Kill.

Ajo u shfaq e veshur me një bluzë rozë, një minifund gri dhe me një nga çantat e dizajnuara prej saj, me vlerë 218 dollarë (rreth 187 euro), shkruan DailyMail.

Pasi doli nga dyqani, Bynes u ul në SUV-in e saj të zi, ku përdorte telefonin dhe pinte cigare. Në fotografitë e publikuara ajo shihet edhe duke përdorur një cigare elektronike.

Pak ditë më parë, Bynes kishte reaguar ndaj vdekjes së Panettiere në LinkedIn, përmes një postimi që më vonë e fshiu. “Jeta mund të të godasë fort dhe shpejt. Çfarë situate e tmerrshme”, shkroi ajo.

Hayden Panettiere u gjet pa shenja jete të dielën në Greenville, Karolina e Jugut. Rrethanat e vdekjes së saj janë ende duke u hetuar nga autoritetet.