Zjarri që shpërtheu dje rreth mesditës pranë fshatit Nikushtak në rajonin e Likovës është ende aktiv dhe është përhapur në drejtim të zonës mbi fshatin Mateç.
Për të frenuar përhapjen e flakëve, nga Drejtoria për Mbrojtje dhe Shpëtim (DMSH) janë nisur drejt terrenit tre automjete “Pinzgauer” dhe një “BTR-80”, me ekipe të DMSH-së, të shoqëruara nga policia.
Sipas situatës në terren, një pjesë e zjarrit është përhapur si krah i ri në zonën mbi Mateç, duke e bërë ndërhyrjen më të vështirë për shkak të terrenit.
Ekipet po ndërhyjnë për të vënë nën kontroll zjarrin dhe për të parandaluar përhapjen e mëtejshme të tij.
Për momentin, fokusi kryesor i ekipeve në terren është izolimi i vatrave aktive dhe parandalimi i afrimit të zjarrit drejt zonave të banuara./VOXAL/
