Pas raportimit të TV Uskana për mosrespektimin e gjuhës shqipe në komunikimet zyrtare nga NP Komunalec në Kërçovë, ka reaguar edhe këshilltari komunal i BDI-së, Aspi Zendeli.
Në seancën e sotme të Këshillit Komunal, Zendeli tha se lëshimet në përdorimin e gjuhës shqipe nuk mund të konsiderohen thjesht si gabime teknike, por sipas tij janë lëshime taktike.
Ai kërkoi që institucionet përgjegjëse të tregojnë më shumë kujdes në respektimin e gjuhës shqipe, duke theksuar se ajo duhet të përdoret në mënyrë të barabartë në komunikimet zyrtare konform ligjit për përdorimin e gjuhëve.
Zendeli kërkoi gjithashtu reagim nga partnerët shqiptarë të koalicionit qeverisës, duke u bërë thirrje që të ngrenë zërin dhe të mos lejojnë neglizhimin e gjuhës shqipe në institucionet publike.