Bebe Rexha dhe David Guetta kanë shënuar një tjetër sukses me bashkëpunimin e tyre “Sad Girls”, duke u ngjitur në vendin e parë të klasifikimit të radiove dance në Shtetet e Bashkuara.

Kënga ka kaluar nga vendi i dytë në të parin në listën javore të Mediabase Dance Radio, pas rreth 779 transmetimeve radiofonike të regjistruara gjatë periudhës 9–15 gusht.

“Sad Girls” ka shtuar 162 transmetime krahasuar me javën e kaluar, duke i siguruar dyshes shqiptare-franceze ngjitjen në krye të listës.

Pas saj renditet “Movin’ To The Sun” nga Hugel, Ultra Naté dhe Imael Angel, ndërsa “Free Your Mind” nga Prospa dhe Cloonee zë vendin e tretë.

Ky sukses vjen në një periudhë të rëndësishme për Bebe Rexhën, e cila gjatë këtij viti ka nisur një kapitull të ri në karrierën e saj muzikore si artiste e pavarur.