Libri „Prodhimtaria e farave“ është libri i radhës nga prof. Gafurr Ajruli. Ky libër u rekomandohet studentëve të Fakultetit të Bujqësisë dhe Bioteknologjisë, por edhe të gjithë të interesuarve dhe studentëve të studimeve pasdiplomike në drejtimin e Prodhimtarisë Bimore.
Përmes këtij libri, studentët e drejtimeve të lartpërmendura mund të njihen me farat e bimëve dhe rëndësinë e tyre në bujqësi, ndërtimin dhe pamjen e farave të bimëve, përmirësimin gjenetik të farave dhe krijimin e hibrideve të reja të bimëve bujqësore, si dhe me bazat biologjike të prodhimtarisë së farave nga aspekti fiziologjik dhe biokimik.
Libri trajton gjithashtu mbrojtjen e farave nga sëmundjet e ndryshme dhe parazitët, si dhe procesin e certifikimit të farave.
Në fund, përmes udhëzimeve dhe njohurive të përshkruara në këtë libër, mund të kuptojmë se fara e bimës paraqet jetën e saj në miniaturë.