Rruga rajonale Kërçovë–Tuhin prej një kohe të gjatë është pa sinjalizim horizontal dhe vertikal, ndërsa mungojnë edhe shenjat e komunikacionit që përcaktojnë kufizimin e shpejtësisë.
Përveç mungesës së sinjalizimit, banorët e fshatrave të ish-Komunës së Osllomesë prej kohësh ankohen edhe për dëmtimin dhe amortizimin e rrugës. Sipas tyre, një nga shkaqet janë automjetet e tonazhit të rëndë, të cilat e frekuentojnë këtë aks rrugor për të shkuar drejt TEC-it të Osllomesë.
Për gjendjen e kësaj rruge, TV Uskana ka kontaktuar Ndërmarrjen Publike për Rrugët e Maqedonisë së Veriut, si institucion përgjegjës për mirëmbajtjen e rrugëve, duke kërkuar përgjigje lidhur me mungesën e sinjalizimit dhe gjendjen e rrugës.
Megjithatë, deri në publikimin e këtij lajmi, nga institucioni përgjegjës nuk kemi marrë përgjigje.