Është botuar libri i ri i autorit Bajram Çeliku – Bali, me titull „Kërçova nëpër shekuj“, një vepër që i kushtohet historisë, kujtesës dhe trashëgimisë së Kërçovës dhe rrethinës.
Në parathënien e librit, autori vë në pah rëndësinë e ruajtjes me shkrim të historisë së trevës së Kërçovës, e cila në shumë raste është përcjellë brez pas brezi përmes rrëfimeve gojore. Ai kujton edhe këshillën e gjyshit të tij, Emin Çeliku, i cili e kishte nxitur që ato rrëfime dhe kujtime të mos mbeten vetëm në gojën e njerëzve, por të dokumentohen dhe t’u përcillen brezave të ardhshëm.
Libri synon të jetë një kontribut në ruajtjen e kujtesës historike dhe të dëshmive për një të kaluar që, siç theksohet në parathënie, mund të zbehet ose të harrohet me kalimin e brezave nëse nuk dokumentohet në kohë.