Shqipëria nuk e mbyll sezonin turistik me verën. Temperaturat rreth 20-30 gradë, më pak turistë dhe çmime më të favorshme po e kthejnë vjeshtën, veçanërisht tetorin, në një periudhë ideale për të zbuluar vendin.

Lonely Planet Italia  shkruan se nga rrugicat historike, te peizazhet ,shtigjet malore por edhe bregdeti, Shqipëria ofron një tjetër pamje larg zhurmës së sezonit të lartë.

Gjirokastra dhe Berati  cilësohen  ndër destinacionet që marrin një tjetër pamje në vjeshtë. Rrugicat me kalldrëm, kalatë dhe lagjet historike mund të vizitohen më qetë. 

Edhe për adhuruesit e natyrës, mundësitë janë të shumta. Kanioni i Osumit ofron peizazhe spektakolare dhe aktivitete në natyrë, ndërsa zonat malore janë ideale për ecje dhe eksplorim.

Sipas Lonely  Planet edhe Tirana në vjeshtë ofron një tjetër ritëm për banorët dhe vizitorët. Pas temperaturave dhe fluksit të muajve të verës, kryeqyteti bëhet më i qetë, ndërsa zonat më të frekuentuara marrin një tjetër atmosferë.

Blloku, vijon të mbetet një pikë e rëndësishme e qyteti ndërkohë, Pazari i Ri është një tjetër destinacion për të njohur Tiranën përmes produkteve, ushqimit dhe jetës së përditshme të banorëve.

Një vëmendje e veçantë I kushtohet edhe Alpeve Shqiptare .Veçohet Shtegu që lidh Thethin me Valbonën , si dhe  Maja e Jezercës, duke alternuar me lugina të thella e të gjelbra akullnajore.

Edhe pse vjeshte edhe riviera shqiptare rekomandohet të eksplorohet. Sipas Lonley Planet disa pjesë të Rivierës Shqiptare mbeten aktive deri në tetor: gjatë këtyre javëve, plazhet janë  më pak të ngarkuara. Temperaturat e Detit Jon, mbeten të këndshme.

Rekomandohen Gjire si Gjipe, të arritshme në këmbë midis shkëmbinjve të lartë, Kakomeja, Himara apo Dhërmiu.