Shoqata Humanitare “Greshnica” në Zvicër ka përmbyllur me sukses Turneun Tradicional “XIXA CUP 2026”, i cili u zhvillua në Basel, me pjesëmarrjen e 20 ekipeve.
Turneu u karakterizua nga ndeshje emocionuese, garë e fortë sportive dhe një atmosferë e veçantë, e krijuar nga ekipet pjesëmarrëse, mysafirët dhe sportdashësit.Në mesin e të pranishmive ishte dhe ambasadori i RMV-së në Zvicër Rexhep Demiri, i cili bashkë me kryetarin e SH.H Greshnica, Xhevair Ramadani dhe afaristë kërçovarë danë edhe çmimet fituese për tre vendet e para të “XIXA CUP 2026” .
 Vendi i parë – SHOQNIA ALLSTAR
 Vendi i dytë – DAS GROUP AG
 Vendi i tretë – FC REQAN
Organizatorët shprehën mirënjohje për të gjitha ekipet, pjesëmarrësit, mysafirët dhe përkrahësit, duke theksuar se suksesi i turneut është rezultat i bashkëpunimit dhe përkushtimit të të gjithë të pranishmëve.
Nga vendlindja për të ndjekur nga afër këtë turne ishte edhe Blerim Ramadani i cili përgëzoi organizatorët dhe ekipe pjesëmarrse për këtë ngjarje sportive.

Turneu tradicional “XIXA CUP” vazhdon të mbledhë bashkatdhetarë dhe sportdashës, duke promovuar sportin, shoqërinë dhe unitetin e komunitetit shqiptar në diasporë.