Në organizim të Komunës së Kërçovës, me një sërë aktivitetesh, sot u shënua 11 Shtatori , 83-vjetori i çlirimit të Kërçovës.
Me këtë rast, në pllakën përkujtimore në Kalanë e Kërçovës, delegacione të ndryshme, të udhëhequra nga kryetari i Komunës, Aleksandar Jovanovski, vendosën kurora me lule në nderim të të rënëve për liri.
Kërçova u bë qyteti i parë i çliruar në vend, pikërisht para 83 viteve më 11 shtator të vitit 1943.
Me rastin e kësaj dite, kryetari i Komunës së Kërçovës, Aleksandar Jovanovski, theksoi se 11 Shtatori simbolizon sakrificën dhe dashurinë për lirinë dhe barazinë.
 

Profesori Boro Veljanoski mbajti një kumtesë historike kushtuar Luftës Nacionalçlirimtare, duke vënë theksin te uniteti i popujve në luftën kundër fashizmit.

Aktivitetet vazhduan në Muzeun e Kërçovës, ku të pranishmit patën mundësi të ndjekin  ekspozitën fotografike “Lufta Nacionalçlirimtare”, e përgatitur me rastin e 83-vjetorit të çlirimit të Kërçovës.
Përmes fotografive dhe materialeve të ekspozuara, u sollën para publikut momente nga periudha e Luftës Nacionalçlirimtare dhe historia e çlirimit të qytetit.