Radhë të gjata automjetesh janë vërejtur sot në pikën kufitare Qafë Thanë, në drejtim të hyrjes në Shqipëri.
Fluksi i automjeteve është rritur ndjeshëm gjatë ditës, ndërsa një numër i madh qytetarësh nga Maqedonia e Veriut janë nisur drejt Shqipërisë, veçanërisht për shkak të fundjavës.
Megjithatë, udhëtarët janë përballur me pritje të gjata në pikën kufitare, duke shkaktuar kolona të automjeteve dhe vonesa në kalimin e kufirit.
Situata ngre pikëpyetje edhe për funksionimin e sistemit “One Stop Shop”, i cili ishte prezantuar si një mekanizëm që do të mundësonte përshpejtimin e kontrolleve dhe lehtësimin e lëvizjes së qytetarëve dhe mallrave në kufi.