Apple po shqyrton zhvillimin e serverëve të dedikuar për Inteligjencën Artificiale, të pajisur me çipat e saj dhe të orientuar drejt zhvilluesve të AI-së, kompanive të mëdha dhe institucioneve qeveritare.

Sipas The Information, Apple po punon mbi dy konfigurime të mundshme me dy ose katër çipa M8 Ultra, të dizajnuar kryesisht për ekzekutimin e modeleve të AI-së të trajnuara më parë.

Projekti mund të përfshijë edhe përdorimin e teknologjisë NVLink Fusion të Nvidia-s për komunikimin mes çipave. Megjithatë, bëhet fjalë ende për një projekt në zhvillim dhe një lançim i mundshëm nuk pritet para vitit 2029.

Nëse realizohet, kjo do të shënonte një zgjerim të rëndësishëm të Apple drejt infrastrukturës së AI-së dhe qendrave të të dhënave, një treg ku Nvidia aktualisht ka rol dominues.

Flaka