dministrata e presidentit amerikan Donald Trump po përgatit një paketë të gjerë sanksionesh ndaj Gjykatës Ndërkombëtare Penale (GJPN), duke thelluar përplasjen mes Uashingtonit dhe institucionit me seli në Hagë.

Sipas The Wall Street Journal, i cili citon dokumente dhe zyrtarë amerikanë, masat e planifikuara mund të hyjnë në fuqi pas një periudhe kalimtare prej rreth gjashtë deri në shtatë muajsh. Sanksionet do të synonin kufizimin e shumicës së transaksioneve me GJPN-në.

Një ndër efektet më të rëndësishme të masave do të ishte kufizimi i përdorimit të dollarit amerikan nga gjykata. Kjo mund të ndikojë në mënyrë të drejtpërdrejtë në marrëdhëniet e saj me sistemin financiar ndërkombëtar.

Sipas raportimit, pasojat mund të shtrihen edhe te bankat dhe kompanitë që kanë lidhje me sistemin financiar amerikan, nëse ato vijojnë të kryejnë transaksione apo të ofrojnë shërbime për GJPN-në.

Nëse zbatohen sipas planit të raportuar, masat do të përbënin një tjetër përshkallëzim të tensioneve mes administratës Trump dhe Gjykatës Ndërkombëtare Penale.