Komuniteti shqiptar në Stuttgart bëhet gati për një ngjarje të veçantë, me rastin e hapjes zyrtare të Shoqatës Kulturore “Uskana Ilire” e.V., një nismë që synon të mbledhë shqiptarët rreth vlerave të përbashkëta kulturore, traditës, gjuhës dhe bashkëpunimit.

Hapja zyrtare do të mbahet të dielën, më 27 shtator 2026, në ora 14:30, në Lokali Gecko, në adresën Höfener Str. 115, 70372 Stuttgart – Bad Cannstatt.

Sipas organizatorëve, kjo shoqatë vjen si një fillim i ri dhe një hapësirë e përbashkët për komunitetin shqiptar, me synim që të ruhet dhe të përcillet tek gjeneratat e reja kultura dhe tradita shqiptare.

Në ftesën zyrtare, organizatorët përcjellin mesazhin:

“Një fillim i ri. Një familje më e madhe. Një histori që e shkruajmë së bashku.”

Me moton “Ne shkruajmë histori!”, “Uskana Ilire” fton familjet, të rinjtë, miqtë dhe bashkëpunëtorët që t’i bashkohen kësaj ngjarjeje dhe të jenë pjesë e fillimit të aktivitetit të shoqatës.

Shoqata e prezanton veprimtarinë e saj mbi katër shtylla kryesore: traditë, kulturë, gjuhë dhe bashkim, duke synuar krijimin e një komuniteti sa më të afërt dhe aktiv.

Hapja zyrtare e “Uskana Ilire” pritet të jetë një takim i komunitetit shqiptar në Stuttgart, ku përveç prezantimit të shoqatës, do të përcillet edhe mesazhi për ruajtjen e identitetit dhe forcimin e lidhjeve mes shqiptarëve në diasporë.

27 shtator 2026 – e diel
14:30
Lokali Ghecko, Stuttgart – Bad Cannstatt