Hashash me peshë 700 gramë u zbulua nga oficerët doganorë gjatë kontrollit të një dërgese postare nga Spanja, e cila ishte porositur nga një shtetas i Maqedonisë, R.V. nga Tetova. Personi u ndalua nga inspektorët e Departamentit të Hetimeve dhe kundër tij u ngrit kallëzim penal në prokurorinë publike kompetente.

Rasti u zbulua kur dërgesa që kishte mbërritur në Postën Qendrore u selektua për kontroll të detajuar, pas së cilës, pas hapjes së saj, u gjetën shtatë pako me lëndë të ngurtë të gjelbër në disa qese të mbyllura hermetikisht. Ekipet e Departamentit të Operacioneve u thirrën menjëherë, dhe pasi një qen doganor zbuloi praninë e drogës në dërgesë, substanca u testua, e cila konfirmoi praninë e THC.

"Në momentin kur R.V. mori dërgesën, ai u ndalua nga inspektorët e Departamentit të Hetimeve dhe kundër tij u ngrit kallëzim penal për prodhim dhe shpërndarje të paautorizuar të drogave narkotike, substancave psikotrope dhe prekursorëve".

"Drogat, me urdhër të prokurorit publik, u dërguan për ekspertizë, gjatë së cilës u përcaktua se ishin hashash dhe u sekuestruan. Vërejmë se lufta kundër krimit të rëndë është një nga prioritetet më të larta të Administratës Doganore dhe çdo përpjekje për prodhim dhe shpërndarje të paautorizuar të drogave narkotike, substancave psikotrope dhe prekursorëve do të sanksionohet ashpër", thuhet në njoftimin e Drejtorisë së Doganave.