Mirlind Daku po kalon një moment pozitiv në futbollin rus. Sulmuesi shqiptar është përfshirë në formacionin më të mirë të javës në elitën e futbollit rus, pas paraqitjes së shkëlqyer me Spartakun e Moskës.

Daku ishte protagonist në fitoren e thellë 4-0 ndaj Rubin Kazanit, duke realizuar dy gola dhe duke ndihmuar skuadrën e tij të siguronte një sukses të rëndësishëm.

Paraqitja e sulmuesit kuqezi u vlerësua me notën 8.3, rezultat që i siguroi një vend në 11-shen më të mirë të javës.

Ky është një tjetër tregues i formës së mirë që po kalon Daku, i cili po përpiqet të lërë gjurmë me fanellën e Spartakut të Moskës.

Deri tani, sulmuesi shqiptar ka realizuar pesë gola dhe ka dhënë një asist në të gjitha garat me skuadrën ruse. Kontributi i tij në repartin ofensiv e bën një nga lojtarët për t'u ndjekur në vazhdim të sezonit.