Vendosja e tabelës me mbishkrimin „BUTELSKA OAZA“ vetëm në gjuhën maqedonase, gjatë promovimit të Mega Parkut në Komunën e Butelit, ka nxitur reagimin e këshilltarëve të AKI-së në Këshillin e Komunës së Butelit dhe të Qytetit të Shkupit. Ata kërkojnë që tabela të zëvendësohet me një mbishkrim dygjuhësh, duke theksuar se respektimi i gjuhës shqipe është detyrim ligjor. Njëkohësisht, kanë kërkuar nga Agjencia për Zbatimin e Gjuhës dhe Inspektorati për Përdorimin e Gjuhëve që të shqyrtojnë rastin dhe të ndërmarrin masa brenda kompetencave të tyre.