Dy sportistë nga klubi „Uskana Martial Arts Academy” – Kërçovë, vëllezërit Blerian dhe Arian Arsllani, do të marrin pjesë në një event ndërkombëtar sportiv në Madrid të Spanjës, ku do të përfaqësojnë jo vetëm klubin e tyre, por edhe Maqedoninë e Veriut.
Pjesëmarrjen e tyre në këtë garë botërore të kikboksit e konfirmoi trajneri i klubit, Urim Saiti, i cili njëkohësisht ushtron edhe funksionin e përfaqësuesit kombëtar dhe presidentit të International Sport Karate Association.

Ndërkohë, vëllezërit Blerian dhe Arian Arsllani u shprehën të gatshëm për këtë sfidë ndërkombëtare, duke theksuar përgatitjen dhe vullnetin për të dhënë maksimumin në këtë garë.

Pjesëmarrja e dy sportistëve kërçovarë në këtë event ndërkombëtar përbën një tjetër mundësi për promovimin e sportit dhe të qytetit të Kërçovës në arenën ndërkombëtare.