Spitali i Përgjithshëm i Kërçovës është pajisur me aparatura të reja mjekësore për ambulancat e ORL-së dhe oftalmologjisë. Ndër pajisjet e siguruara janë ndriçimi LED dhe otoskopi për kontrolle diagnostikuese, si dhe biomikroskopi i avancuar për ekzaminime më të detajuara të syrit.
Për investimet e fundit dhe pajisjet e tjera të reja, për TV Uskana foli drejtoresha e spitalit, Maja Cevtanovska Trajkovska, e cila theksoi se krahas projektit për ndërtimin e spitalit të ri, po punohet edhe në modernizimin e pajisjeve mjekësore, me qëllim përmirësimin e kushteve të punës për personelin dhe ofrimin e shërbimeve më efikase për qytetarët.