TV LIVE Radio
Sport
23 tetor 2020
Rooney zbulon katër lojtarët më të fortë që ai ka luajtur kundër tyre gjatë karrierës, nga një në secilën pozitë

Legjenda e Manchester Unitedit, Wayne Rooney zbuloi se super ylli i Barcelonës, Lionel Messi ishte në mesin e katër lojtarëve më të vështirë me të cilët ai luajti kundër tyre në karrierën e tij të shkëlqyer.

Anglezi 34-vjeçar ka shijuar një karrierë të madhe dhe ka fituar pesë tituj të Ligës Premier, një Ligë të Kampionëve dhe një Ligë të Evropës me Djajtë e Kuq.

Dhe Rooney gjithashtu ka ndarë fushën përkrah futbollistëve të tjerë legjendë si Cristiano Ronaldo, Ryan Giggs dhe Paul Scholes.

Kur ai u pyet për lojtarët më të mirë kundër të cilëve luajti, Rooney zgjodhi kundërshtarin më të vështirë për secilën pozitë.

“Ka pasur kaq shumë gjatë viteve, por unë do të përpiqem të zgjedh një për çdo pozicion”, ka thënë fillimisht Rooney për faqen e tij zyrtare.

“Portieri më i mirë me të cilin kam luajtur kundër është Iker Casillas, ai ka fituar gjithçka që mundesh në futboll dhe është një nga portierët më të mirë të të gjitha kohërave”.

“Mbrojtësi më i mirë është ndoshta John Terry. Ai e lexon mirë ndeshjen, ai është fizik dhe shumë i vështirë për të luajtur kundër tij”.

“Për mesfushën, unë do të thosha Xavi. Ai kishte gjithçka, pasim brilant, vizion, kreativitet dhe udhëheqje”.

“Sulmuesi më i mirë duhet të jetë Lionel Messi, për mendimin tim, ai është lojtari më i mirë ndonjëherë dhe unë jam i nderuar që kam ndarë një fushë me të”, përfundoi anglezi. 



Të ndryshme
Më shumë
Shkodër, 2750 Ha tokë bujqësore e përmbytur, në disa zona uji mbi 1 metër 5 shkurt 2021
Taravari: Nuk besoj se LSDM ka mbështetje të ndonjë deputeti nga OBRM-PDUKM15 gusht 2020
Fondi Pensional në Maqedoni: Pensionet në vitin 2019 me rritje më të vogël në histori21 korrik 2020

Radio Uskana - LIVE
Fat Joe Sunshine The Light Official Video ft Amorphous - 1080p