TV LIVE Radio
Nga Rajoni
23 mars 2021
Ceremonia e dorëzimit të detyrës nga Hoti te Kurti përmes fotografive

Albin Kurti e ka pranuar sot detyrën e kryeministrit të cilën ia ka dorëzuar – me ceremoni shtetërore – Avdullah Hoti.

Pasi kanë parakaluar para Gardës Ceremionale, Hoti dhe Kurti e kanë bërë pranim-dorëzimin e detyrës në Zyrën e Kryeministrit.

Pasi janë përshëndetur me grushta – përshendetja e zakonshme për shkak të pandemisë COVID-19 – Hoti ia ka dorëzuar edhe dosjen e punëve pasardadhësit të tij.

Ata më pas kanë ndërruar anët – Albin Kurti ka dalë në karrigen që deri tash ishte e Avdullah Hotit.

Një veprim të tillë – dorëzimin zyrtar të detyrës – nuk e kishte bërë Albin Kurti kur Avdullah Hoti u bë kryeministër. Kurti, qeveria e të cilit u rrëzua vetëm pas 51 ditësh në pushtet, kishte thënë se nuk mund ta pranonte atë që e kishte shkarkuar vetë.

Albin Kurti ditën e tij të parë si kryeministër do ta ketë të ngjeshur. Fillimisht, ai do ta drejtojë mbledhjen e parë të ekzekutivit që do të ketë karakter ceremonial, derisa më pas do të bëjë homazhe – siç kishte bërë edhe herën e kaluar – te Kompleksi Memorial “Adem Jashari”.

Dita e parë e Kurtit si shef qeverie duket se do të mbyllet me takimin me ambasadorin e BE-së Tomas Szunyog.

Albin Kurti është zgjedhur kryeministër të hënën në mbrëmje me 67 vota për, 30 kundër dhe asnjë abstenim.

 



Të ndryshme
Më shumë
Takohen Zemaj dhe Filipçe, shqyrtojnë hapjen e kufijve pa kushte10 shtator 2020
Kushtet e mëdha financiare që i kërkon Alaba për të qëndruar te Bayerni21 korrik 2020
BE: Ndërtimi i gardhit me Maqedoninë e Veriut nuk është pjesë e marrëveshjes me Beogradin21 gusht 2020

Radio Uskana - LIVE
Dafina Zeqiri ft Ledri Vula x Lumi B - Aman