TV LIVE Radio
Sport
21 qershor 2021
Maqedonia do të luajë me Holandën në Kampionatin Evropian, ndeshja e fundit për Pandevin

Ekipi kombëtar i futbollit të Maqedonisë sot në orën 18:00 do të zhvillojë ndeshjen e fundit të Kampionatit Evropian të Futbollit. Kapiteni Goran Pandev tashmë ka njoftuar se ndeshja e sotme kundër Holandës do të jetë e fundit për kombëtaren.

“Po, vendosa që ndeshja e nesërme të jetë e fundit në fanellën e ekipit kombëtar të Maqedonisë. Mendoj se ky është momenti i duhur që të tërhiqem. U uroj bashkëlojtarëve një vend në Kupën e Botës në Katar. Jam i lumtur që jam pjesë e këtij ekipi kombëtar që bëri histori. Mezi presim ndeshjen kundër Holandës në përpjekje për të arritur rezultat pozitiv”, tha dje Goran Pandev.

Përzgjedhësi i ekipit kombëtar Igor Angellovski në konferencën për shtyp tha se ndeshja e sotme do të jetë e veçantë, pasi edhe kontrata e tij me kombëtaren përfundon.

“Mund vetëm t’i them një falënderim të madh z. Pandev. Jam i lumtur që kam punuar me një njeri dhe futbollist të tillë. Falenderime të gjithë lojtarëve, e dini se ku ishim pesë apo gjashtë vjet më parë dhe ku jemi tani. Për të ardhmen  nuk do të doja të flisja, do ta punoj kontratën profesionalisht ashtu siç e kam paralajmëruar”, tha trajneri Angellovski.

Ekipi kombëtar i futbollit të Maqedonisë ka arritur sukses historik duke u kualifikuar në Kampionatin Evropian të Futbollit, megjithëse në ndeshjet e deritanishme ka pësuar dy humbje kundër Austrisë dhe Ukrainës. Ndeshja e sotme kundër Holandës është një shans që lojtarët e vendit tonë të befasojnë kundërshtarin që është favorit në letër dhe të fitojnë pikët e para të kampionatit evropian të futbollit për ekipin tonë kombëtar.

Ndeshja e sotme në Amsterdam do të gjykohet nga arbitri rumun Ishtvan Kovaç.



Të ndryshme
Më shumë
Dy mësuese nga Shkupi rezultojnë me COVID 19, në izolim 15 nxënës së klasave të para 7 tetor 2020
118 raste të reja me COVID-19 dhe 3 viktima në 24 orët e fundit20 gusht 2020
Në repartet infektive në Maqedoni mjekohen 917 pacientë me COVID-1910 mars 2021

Radio Uskana - LIVE
Krusita - Akull