TV LIVE Radio
Sport
3 nntor 2021
Vozitësi Zendeli detyrohet të tërhiqet nga Formula 2, për shkaqe financiare

Lirim Zendeli ka njoftuar se është tërhequr nga Formula 2 për shkak se mungesës së përkrahjes financiare për ta vazhduar garimin në këtë sport, si pasojë e ndikimit të pandemisë së Covid-19.

Zendeli, i lindur në Gjermani nga prindër shqiptarë të Maqedonisë së Veriut, kishte debutuar këtë sezon në Formula 2 – kategorinë e dytë të garës me formula – për ekipin MP Motosport.

“Fatkeqësisht, kam një lajm pikëllues. Po largohem para kohës. Nuk do të jem në gjendje të vazhdoj në Formula 2 më, për arsye financiare. Pandemia ma ka zvogëluar edhe më shumë buxhetin edhe ashtu të vogël”, shkroi Zendeli në Twitter.

Zendeli – i cili fitoi pikë në pesë gara në sezonin e tij debutues, 11 në përgjithësi – ka thënë se do të bëjë përpjekje të mëdha për t’u kthyer në pistën e formulës sa më parë.

“Jam krenar që pata mundësinë të garoj në Formula 2, duke e ditur se vij nga një familje normale në aspektin financiar. Ta kuptoj se më duhet të tërhiqem është shumë e vështirë, por do të bëjë gjithçka për ta gjetur një mundësi për t’u kthyer në pistë sa më shpejt”, shtoi ai.

Ulësen e Zenelit në formulën me numrin 12 do ta zërë Clement Novalak për garat e ardhshme.

Zendeli është vozitësi i katërt i Formula 2 që detyrohet të tërhiqet për shkak të telasheve financiare këtë vit, pas Matteo Nannini dhe Gianluca Petecof.



Të ndryshme
Më shumë
Zaha i vendosur të largohet nga Crystal Palace, klubet nisin përgatitjen e ofertave28 korrik 2020
Spasovski: Nuk ka nevojë për gjendje të jashtëzakonshme, zgjedhje duhet të ketë13 qershor 2020
KREU I BFI-SË SHAQIR FETAHU: PROCESI ZGJEDHOR NË BFI DO TË ZHVILLOHET NË FRYMËN DEMOKRATIKE13 nntor 2020

Radio Uskana - LIVE
Lumi B x Yll Limani - Pate