TV LIVE Radio
Sport
7 janar 2022
Zyrtare, Trippier bëhet transferimi i parë i Newcastle United

Klubi anglez me pronarët më të pasur në botë Newcastle United ka konfirmuar sot transferimin e mbrojtësit të krahut të djathtë Kieran Trippier nga kampioni spanjoll Atletico Madrid.Mbrojtësi 31 vjeçar ka arritur marrëveshje personale me klubin anglez për dy vite e gjysmë, dhe bëhet transferimi i parë nën drejtimin e pronarëve të rinj dhe trajnerit Eddie Howe.Trippier arrin në stadiumin “St. James Park” pas dy vite e gjysmë të suksesshme në Spanjë, ku së fundmi e fitoi edhe titullin e La Ligas me Atletico Madridin.

“Jam tejet i lumtur që i bashkohem këtij klubi fantastik. Më pëlqeu koha ime në Madrid, por kur e kuptova që ka interesim nga Newcastle United, dhe që kam punuar me Eddie Howe në të kaluarën, e dija që ky është vendi ku dua të jem”, tha Trippier.

“Mezi pres t’ia fillojë kësaj aventure, dhe jam tejet i emocionuar të zbres në stadiumin ‘St. James Park’ si lojtar i Newcastle”, shtoi mbrojtësi anglez.Në korrik të vitit 2019, Trippier kaloi nga skuadra e Tottenham drejt Atletico Madridit, ku u bë lojtari i parë anglez i klubit spanjoll pas 95 vitesh, kështu duke e ndihmuar Atleticon sezonin e kaluar që ta ngritë titullin e kampionit në La Liga.



Të ndryshme
Më shumë
Ambasadori i Republikës së Turqisë në Maqedoninë e Veriut, vizitoi Xhaminë Sulltan Pajazititë në Kërçovë16 mars 2021
Çfarë do të ndodh me rastin “Alfa”? Mariçiq: Nuk e ndjek në detaje, vendos gjykata!14 janar 2022
Këshilli i Sigurisë i propozoi Qeverisë që të krijojë një grup pune sa më shpejt të jetë e mundur, i cili do të rishikojë situatën me sistemin e menaxhimit të krizës13 shtator 2021

Radio Uskana - LIVE
Xhesika Ndoj Sheik Official Video 4K - 1080p