TV LIVE Radio
Nga Rajoni
13 janar 2022
Zëdhënësi i Speciales: Veseli u transferua në Hagë pas vizitës në Kosovë më 11 janar

Zëdhënësi i Dhomave të Specializuara të Kosovës (DhSK) në Hagë, Michael Doyle, përmes platformës online “Zoom”, ka thënë se pas vizitës në Kosovë, Kadri Veseli është transferuar në Hagë më 11 janar.

Gjatë konferencës për medie të mbajtur të enjten, Doyle ka dhënë informacione të përditësuara mbi zhvillimet e fundit lidhur me procedurat gjyqësore dhe veprimtaritë në këtë gjykatë.

Sipas tij, këtë javë, Veseli  udhëtoi drejt Kosovës për një vizitë nën ruajtje.

“Gjykatësi i Procedurës Paraprake udhëzoi Zyrën Administrative të organizonte këtë vizitë nën arrest drejt Kosovës për z. Veseli që të vajtojë me familjen, dhe që u lejua për arsye humanitare bindëse. Gjatë vizitës, i akuzuari qëndroi në paraburgim dhe nën ruajtje nga Dhomat e Specializuara. EULEX-i dhe Policia e Kosovës mbështetën Dhomat e Specializuara të Kosovës gjatë vizitës”, ka thënë ai.

Ai bëri të ditur se po ashtu më 11 janar, rifilluan seancat për çështjen gjyqësore Gucati dhe Haradinaj.

Tutje, tha se një nga gjykatësit u paraqit përmes video-lidhjes për shkak të kufizimeve prej Covid-19.

“Sipas Rregullores së Procedurës dhe Provave, gjykatësit e trupit gjykues duhet të jenë të pranishëm në të gjitha fazat e procesit dhe seancat nuk mund të mbahen në mungesë të një gjykatësi. Gjykatësi rezervë mund të zëvendësojë një gjykatës me kohë të plotë vetëm në rastet kur ky i fundit përgjithnjë nuk mund të vijojë të marrë pjesë në një çështje gjyqësore, ndërron jetë ose jep dorëheqjen”, ka thënë ai, raporton “Betimi për Drejtësi”.



Të ndryshme
Më shumë
Prokuroria kërkon të refuzohen ankesat e të dënuarve në rastin “Transportuesi” 2 shtator 2021
Sot 10 të shëruar dhe 9 raste të reja me COVID-19 në Maqedoni 7 korrik 2021
Sela: Ligji për shtetësi do të miratohet, realizohet edhe një e drejtë e mohuar e shqiptarëve22 korrik 2021

Radio Uskana - LIVE
USKANA LAJME 21.01.2022